Achacha Food & Beverage Boutique (已結業)

今日去咗九龙湾果头接男朋友收工之后一齐去Dinner，惊德福会好多人等位食饭😣我就建议不如去Mega Box揾好嘢食！见呢间多国菜价钱又唔系好贵，又唔洗等位就入咗去试！好饿嘅关系，叫咗三款嘢食！焗金不文芝士🧀有配埋面包，芝士味好浓！但食落又唔会觉得好漏，非常正💕三文鱼菠菜法式薄饼🍕虽然都系叫薄饼，但同一般食开嘅美式pizza差好远！其实有点似甜品🤣因为佢个饼底系甜甜地嘅！面头嘅配料相当丰富，啖啖都食到有料👍🏻带子松露意大利饭🍛口感绵密，阵阵浓郁嘅松露味！米嘅熟成度调校得啱啱好👍🏻带子都好大粒，相当弹牙！三款食物，已经食到两个人好饱好饱！间唔时过嚟食下都相当唔错！