Chef's Stage Kitchen (愉景新城) (已結業)

今日想食西餐，喺OpenRice见到呢间评价都几高，所以同朋友专程过咗嚟呢边食。一入到餐厅，成间嘅装修都行欧陆风加上少少型格，餐厅职员非常殷勤招待我们，途中不断帮我哋添水，服务值得赞许。今日有少少肚饿，所以嗌咗个appetizer，仲有朋友一人一个main dish。头盘系新鲜活蓝青口配番红花白酒汁，配上蒜蓉意大利软包，白酒汁10分浓郁，非常creamy，配上经过炆煮嘅洋葱蔬菜等，就咁点包食都好味呀，而青口煮得刚刚好，口感软熟，大小适中。主菜有意大利烧烤菇扁意粉配松露忌廉汁，同大大只lamb chop，意粉方面，松露忌廉味好重，意粉又唔会煮得太淋，啡菇又有口感，所以成道菜都令人食指大动。羊架方面，由于唔想食香口胶嘅关系，所以叫咗七成熟，果然上到嚟肉质少少粉红色，十分满意。至于味道，羊唔会太骚，腌料亦都系普通嘅盐同黑椒都已经足够，加上有四只羊架，2人分享都好够，仲附上焗薯和蔬菜，真系非常之饱啊！值得一提嘅系，餐厅最后贴心地送上牙签，为整个晚餐画上圆满嘅句号。