影片
更多
2023-01-20
1264 浏览
做到年廿九，收炉前食返餐团年饭先。「食开嘅饭脚」又系要自己scan QR code落单，我对呢个发明就真系麻麻地，其实横掂侍应都行咗过嚟啦，落埋单咪得啰，一系佢就全部自动化。我哋分别嗌咗小笼包、上海粗炒、四喜烤麸、肴肉、熏蛋仲有红油抄手同埋甜品高力豆沙及豆沙锅饼。小笼包一笼五只一上枱已经有几只穿咗饀，流晒啲汁出嚟。失败😳其实我有啲抗拒叫四喜烤麸，因为平时妈妈喺屋企都会整，（因为阿妈系上海人）不过我都知呢个谂法好自私，人哋屋企冇得食㗎嘛，本身另外个同事仲想嗌炒年糕㗎，好彩最尾侧侧膊冇嗌到😝嗌咗上海粗炒（咁啱琴日先食完，今晚返去仲有一餐隔夜，同埋其实平时间唔中佢都会煮嚟食）肴肉平时我都唔系好食㗎，因为个质感有啲怪，冻咗嘅咸啫喱，本身我对啫喱冇乜好感。不过今日我都食咗成三四件😵💫熏蛋亦都系一样，烟熏嘅食物其实我又系麻麻地，佢呢度做都唔够入味，入面淡茂茂！至于红油抄手同埋上海粗炒就普普通通冇乜特别啰！ 甜品方面高力豆沙就不过不失啦，反而个豆沙锅饼就真系令人失望😮💨完全好似冇炸过咁，求其煎两煎就算数！一啲香脆嘅口感都冇，失败之中嘅失败。今餐真系好一般，弹多过赞🥴
「食开嘅饭脚」
又系要自己scan QR code落单，我对呢个发明就真系麻麻地，其实横掂侍应都行咗过嚟啦，落埋单咪得啰，一系佢就全部自动化。
我哋分别嗌咗小笼包、上海粗炒、四喜烤麸、肴肉、熏蛋仲有红油抄手同埋甜品高力豆沙及豆沙锅饼。
小笼包一笼五只一上枱已经有几只穿咗饀，流晒啲汁出嚟。失败😳
其实我有啲抗拒叫四喜烤麸，因为平时妈妈喺屋企都会整，（因为阿妈系上海人）不过我都知呢个谂法好自私，人哋屋企冇得食㗎嘛，本身另外个同事仲想嗌炒年糕㗎，好彩最尾侧侧膊冇嗌到😝嗌咗上海粗炒（咁啱琴日先食完，今晚返去仲有一餐隔夜，同埋其实平时间唔中佢都会煮嚟食）
肴肉平时我都唔系好食㗎，因为个质感有啲怪，冻咗嘅咸啫喱，本身我对啫喱冇乜好感。不过今日我都食咗成三四件😵💫
熏蛋亦都系一样，烟熏嘅食物其实我又系麻麻地，佢呢度做都唔够入味，入面淡茂茂！
至于红油抄手同埋上海粗炒就普普通通冇乜特别啰！
甜品方面高力豆沙就不过不失啦，反而个豆沙锅饼就真系令人失望😮💨完全好似冇炸过咁，求其煎两煎就算数！一啲香脆嘅口感都冇，失败之中嘅失败。
今餐真系好一般，弹多过赞🥴
甜品-高力豆沙/豆沙锅饼
10 浏览
0 赞好
0 留言
上海粗炒
27 浏览
0 赞好
0 留言
小笼包
40 浏览
0 赞好
0 留言
红油抄手
103 浏览
1 赞好
0 留言
前菜-熏蛋、四喜烤麸、肴肉
18 浏览
0 赞好
0 留言
张贴
