麥兆記(祖傳)廣州雲吞麵 (琉璃街)

营业中

休息中

祖传鲜虾云吞面$48，白灼猪杂$118，价钱确系贵。呢到主打食云吞面，系必食之选。有4粒「散尾金鱼」状嘅云吞，一口一粒，原只鲜虾，但欠缺嚼弹口感及虾味🦐。蛋面系用鸭蛋打成，面条幼细如银丝，烟韧富口感，完全无碱水味，份量都唔少。汤底用上大地鱼及虾壳等熬制，清甜可口，加埋韮黄增添香味。白灼猪杂🐷有猪腰、猪膶、猪生肠、猪肉丸，全部都洗得好干净，可以放心食。猪杂富爽脆口感，但鲜味欠逢，记得连埋姜葱、辣椒豉油一齐食，増加味美。