紅糖餐室

营业中

休息中

第一次帮衬红糖，晚上8点半一入去个收银就喝住唔准入去入面坐，因为要做清洁封咗半个场（门口明明写住收2200）,跟住个收银就叫我坐去一张未执好嘅枱度，佢讲完之后虽然有执枱但冇抹枱，而张枱上面分明污糟仲有饭粒。咁我向果位收银示意你抹好枱我先坐落去，个收银就话你唔钟意就坐入面同人搭枱啰，我见佢都好燥底嘅，就冇特别理佢。我等其他楼面执好我就坐落去，所谓清洁完其实都仲有好多垃圾喺张枱度，抹完枱之后连櫈都有垃圾。食物完全冇问题，食完俾钱果阵个收银一句多谢都冇，既然佢咁赶收工咁当然唔会再有下次。我唔知呢个收银系伙记定老板，如果佢系伙记，红糖嘅老板真系多得你唔少。如果佢系老板，我真系唔知你点同你嘅下属交代，明明厨房质素唔差，楼面其他同事尚好，就欠你一个。