紅糖餐室

营业中

休息中

第一次幫襯紅糖，晚上8點半一入去個收銀就喝住唔准入去入面坐，因為要做清潔封咗半個場（門口明明寫住收2200）,跟住個收銀就叫我坐去一張未執好嘅枱度，佢講完之後雖然有執枱但冇抹枱，而張枱上面分明污糟仲有飯粒。咁我向果位收銀示意你抹好枱我先坐落去，個收銀就話你唔鍾意就坐入面同人搭枱囉，我見佢都好燥底嘅，就冇特別理佢。我等其他樓面執好我就坐落去，所謂清潔完其實都仲有好多垃圾喺張枱度，抹完枱之後連櫈都有垃圾。食物完全冇問題，食完俾錢果陣個收銀一句多謝都冇，既然佢咁趕收工咁當然唔會再有下次。我唔知呢個收銀係伙記定老闆，如果佢係伙記，紅糖嘅老闆真係多得你唔少。如果佢係老闆，我真係唔知你點同你嘅下屬交代，明明廚房質素唔差，樓面其他同事尚好，就欠你一個。

第一次食早餐 我叫既七喜 然後早餐食完七喜都未到⋯ 之後我叫先行去雪櫃攞比我！！ 第二次食下就 一個焗豬扒飯半個鐘都冇到 問先幫我睇 然後隔左5分鐘出番比我！ 咩嘢料 成日咁 唔掂囉⋯ 冇下次幫襯

今次食咗另一個常餐,雞肉魚湯米線走辣,可能走左酸辣真係比較清淡但雞肉份量都唔少,都有菜呀豆卜食吓咁,加埋火腿奄列同多士其實都幾飽架，飲埋朱古力係好滿足的😅飯脚嘅黑椒牛肉意粉係超大碟,夠鑊氣都多牛肉片,不錯,男人叫呢啲實飽PS:食2次2次都有落錯單情況,要留意吓🤣

第一次黎食,1點半到都好多客人,店員都好細心,知我有需要🤰唔使我同其他人迫埋坐一邊講返食物,超多選擇,呢個都係最近我中意去茶餐廳嘅原因不過,有選擇困難症嘅我,最後揀常餐果然冇令人失望金寶豬扒湯意粉,一大塊好大份,而且煎得香又唔孩口,好味意粉又唔太淋,我中意嘅口感,啱晒我口味！切開火腿奄列係仲有啲蛋汁流出黎好少食丹麥多士,唔算太重牛油味,暖暖的,上枱前先烘會更好,但我冇乜好挑剔了連熱朱古力也好好味同行人食左午餐茄子豆腐扒飯餐,都熱辣辣,本身佢叫了少飯,但後尾見張單係打錯咗變咗杯凍飲少冰少甜🤣

第一次食個簡單嘅下午茶，人流亦都唔多，樓面同廚房冇話好忙。雞髀又硬又乾，地下比起一般其他茶餐廳污糟，一路食一路覺得呢次伏了，所以一定係冇下次，周圍亦有好多其他餐廳選擇

上個月同姑姐食過一次，剛好同臺係佢地店長食緊飯，服務態度幾好而且中間見佢同D客有傾有講，所以印象唔錯，食物水準都ok。所以公司開完年就打算決心龍年返工第一餐lunch就食佢。然後提早上網check下menu想要睇睇有咩食，結果見到好多人評論態度唔好嚇到我以為我係咪搵錯店。中午lunch時間稍微提早少少去到，已經滿人，好彩撞上有人走馬上有位。思考一晚，糾結到底食咖喱香煎牛舌好定咖喱芝士牛舌。最後芝士就是力量，就決定係你啦---咖喱芝士牛舌飯！最先上左個送嘅湯。有中湯同西湯揀。上次飲過中湯ok，今次西湯揀紅湯羅宋湯，材料都好足味道都ok。不過因為有落辣椒所以有dd咁多辣。飲左兩啖湯，好快飯就上啦。可以選擇飯or意粉。但咖喱點可以唔配飯呢！所以肯定揀飯！首先分量十足，如果唔係今日唔記得帶我嘅飯盒仔，我肯定要打包一半夜晚食。牛舌有三塊大大塊，雖然厚，但非常軟綿。外面有D脆，但入面又好軟綿。最正最正肯定係D咖喱汁。不愧係主打咖喱，非常香。我覺得單純汁撈飯我都可以食大大啖！！哦照片上的是火腿奄列，因為同事食lunch set有火腿奄列同沙爹酸辣肥牛米線，佢驚食唔曬，所以用奄列同我交換左一塊牛舌（所

新正頭放午飯時間,去食LUNCH,有朋友點餐點咗熱飲,但收咗凍飲價錢,同餐廳理論一輪,但餐廳表示是電腦程式自動編排,但最依然收取凍飲價錢,食物質素中等,但員工普遍態度趕客,催交枱,碟仲有食物就收碟

看了其他師兄姐的食評，都說服務差。。。。。。但撇除服務差，不代表食物質素差。今次是第二次來這間餐廳食飯，都是焗飯。😍個人認為餐廳的焗飯質素非常高質，起碼是新鮮熱辣的上桌，比仿間大x樂，大x活，花x餐廳更勝一籌。今次是日午餐有5款，點了芝士咖哩豬排焗飯，有中湯，還送熱飲。焗飯有咖哩味之余還充滿椰香的味道，豬排捻度適中，配上熱辣的芝士令人回味無窮。再附上年23年10月的焗肉醬飯，和炸雞脾照片。記得當時炸脾非常脆皮，是即叫即炸，而肉醬焗飯也是即叫即做。侍應服務態度可以不理，但總的來說這間新餐廳的焗飯質素是超高水準，喜歡焗飯的食友可以一試。

今晚女友小熊同我都係灣仔收工，佢提意去哩間新開張嘅餐廳食晚餐，話見佢地份 Menu 嘅鐵板牛扒好吸引餐廳又新淨，仲不停 send D Menu 相比我，問我有無睇啱，有無啱心水!新店名紅糖，睇睇份 Menu，只不過係普通茶檔選擇，最大問題係第六感告知餐廳唔掂! 但係.... 眼見小熊咁鬼雀躍，又點好意思推莊潑佢冷水呢，唉.... 打定輸數去幫襯.小熊要鐵板西冷，我要份鐵板雜扒，都係跟薯菜，同羅宋湯.優點:1, 地方闊落環境乾淨.2, 鐵板餐第一要決係塊鐵板熱唔熱有無咋咋聲，哩點紅糖都叫勉強達標.3, 我嘅雜扒有件薄切牛扒，同小熊嘅西冷都無奇怪肉鬆粉味.4, 提供蕃茄汁味道適中，其他D餐廳嘅點汁唔知點解總係味道過鹹過重.缺點一大籮!1, 只有紅湯同中湯，無我喜歡嘅白湯.2, 紅湯羅宋湯又水又淡，唔掂!3, 西冷牛扒有4份之一係肥膏!4, 只有茄汁，無其他選擇.5, 雜扒上嘅牛扒同豬扒都係薄切.6, 豬扒比較乾身唔夠肉嫩 Juicy.7, 薯菜嚇一跳! 以為薯菜係薯條，點知真係成個薯仔上枱! 薯仔上嘅沙律汁，小熊話聞上去氣味奇怪!8, 特飲加6蚊，小熊點咗特飲卻加8蚊，小熊問點解職員就話唔

今日經開灣仔落車近近地搵間茶餐廳食早餐。心諗新開張應該唔會點中伏。點知啲員工態度真係好差，講嘢冇尾音之餘，落order改少少嘢就好唔耐煩。食物質素都唔太好，有種說不出的怪味。下次真係唔好貪方便求其搵間茶餐廳。

食物質素一般，但大部份侍應態度惡劣。叫了三杯飲品全部要少甜，第一杯來了極甜叫侍應換，不情不願，念念有詞話只係兩杯叫了少甜。叫了碟頭飯飯食完雞翼仲食緊，已收碟。湯未飲又想收。不會再回頭。