法國小屋

营业中

休息中

🤎🤍元朗法国小屋🤍🤎Weekend 我就会同老公踩单车happy 下，经过元朗又肚好饿😔 踩住单车对餐厅既选择又小左～咁岩俾我发现合益路呢边可以泊单车😍咁就食得放心啦🤫我地嗌左个2人餐$288, 有3个前菜，1份意粉，1份甜品同野饮😳🥦前菜（沙律．鸡翼．千层薯片）🥦有沙律，鸡翼分别系醉鸡翼同瑞士鸡翼，味道正常，都好入味，仲有个系千层薯片，我好傻咁以为系零食薯片咁样，原来系薯仔片🙈上面有芝士同忌廉，有d 蒜蓉味咁，又几好食㖞👍🍝主菜🍝我地拣左《牛油蒜蓉番茜烟肉意粉》味道都几浓，一阵咸香，番茜唔似莞茜咁大阵味，无抢fo, 衬托返个忌廉味，烟肉切得大大块，唔系碎上。🧇招牌咸牛油焦糖窝夫🧇佢改变左我对窝夫既睇法，唔怪得系招牌，首先佢唔系成旧粉食到个胃好饱个种，佢系外皮脆卜卜，用叉一桔佢就脆开，食完个胃无负担，唔un 胃既，最衰我无加雪糕啦，下次我一定要黎食返个雪糕窝夫，带埋我仔黎先得🫢🍹水果茶．荔枝果茶🍹果茶入面有d 切粒生果，味道正常，不过配埋意粉又几夹，中和一下油腻感。总结有得坐户外，对单车友黎讲系好友善，窝夫系我最推介既，有下次。