影片
更多
2014-03-05
7071 浏览
香港租金贵人所共知，旧式酒家、饭店可谓买少见少，当然，晌部份旧区都仲有一啲「珍藏」，「中央饭店」就喺其中一家，瑟缩于深水埗大埔道旧式商住大厦里面，单睇门面就知佢有几老香港味道 。所以，趁细妹生日，就一于怀旧吓，食庆生饭，虽然已搬离依区快近10年，话晒都喺度由小学读到中学，老父、细佬妹、亲戚都仲住晌依区，偶尔都走过嚟行吓，对深水埗都颇有感情架 ！除咗门面够「老饼」之外，内里环境可以用有啲残旧嚟形容，昏昏暮暮嘅环境，灰灰黑黑嘅天花，部份墙身仲唙贴紧防火胶板，而天花上吊住嘅水晶灯，相信当年已喺相当奢华嘅装饰。而晚市嘅客人多数都喺上年纪嘅街坊居多，因为见佢哋同啲伙计颇熟络，偶有一、两枱稍年轻嘅客人。虽然环境喺就喺旧啲，不过，招呼确实唔错 。咪睇「中央」一介平民饭店仔，环境又噏噏耷耷，要豪嘅一样得，餐牌第一版就有鱼翅、鲍鱼 ，虽然唔知会有几多客会叫，但标得价，就自然有供应。除此之外，个餐牌都分得颇为仔细，汤羹类、家禽类、猪牛类、鱼类都好正常，但刻意分开埋石斑类、鲜鱿 / 土鱿类就颇有趣。店家嘅招牌菜有梅菜扣肉同盐焗鸡，前者因为过肥，家人唔多钟意食，而后者点都要叫半只一试。讲开梅菜扣肉，记
除咗门面够「老饼」之外，内里环境可以用有啲残旧嚟形容，昏昏暮暮嘅环境，灰灰黑黑嘅天花，部份墙身仲唙贴紧防火胶板，而天花上吊住嘅水晶灯，相信当年已喺相当奢华嘅装饰。而晚市嘅客人多数都喺上年纪嘅街坊居多，因为见佢哋同啲伙计颇熟络，偶有一、两枱稍年轻嘅客人。虽然环境喺就喺旧啲，不过，招呼确实唔错 。
咪睇「中央」一介平民饭店仔，环境又噏噏耷耷，要豪嘅一样得，餐牌第一版就有鱼翅、鲍鱼 ，虽然唔知会有几多客会叫，但标得价，就自然有供应。
除此之外，个餐牌都分得颇为仔细，汤羹类、家禽类、猪牛类、鱼类都好正常，但刻意分开埋石斑类、鲜鱿 / 土鱿类就颇有趣。
店家嘅招牌菜有梅菜扣肉同盐焗鸡，前者因为过肥，家人唔多钟意食，而后者点都要叫半只一试。讲开梅菜扣肉，记得以前细细个住晌石硖尾时，仲喺7层H形嘅廉租屋，就喺依家美荷楼青年旅舍对下个地盘，有幢「14座」（以前啲公屋兴排「冧把」），地下有间叫「永源茂」嘅客家菜馆，做嘅梅菜扣肉非常好食，去亲都差唔多次次叫。迷你八宝冬瓜盅 $90
汤羹类估佢唔到咁多，足有成19款，一般都喺卖$50-$60个，非常经济实惠，依家出面啲集团式酒楼都喺出三几款作为每晚主打咋。见佢墙上有个推介：冬瓜盅，仲每日有限，所以点一个嚟试试，哗！讲就话「迷你」，连渣带汤都分到成10碗有多 ，所以，绝唔迷你。而且，好多料，有虾、鱼、咸肉、鲜莲子、冬菇……等等，汤头几清甜。我哋4个人，真喺饮汤都够饱呀！哈哈 ！
菜远鲜鱿 $60 上文都讲过佢特别将鲜鱿、土鱿分为一类，可见唔喺求求其其，15款里面都有部份喺较少见，例如：虾酱吊片柏叶、菜远凤肝鲜鱿、姜葱鸳鸯鱿。虽然我哋所拣嘅喺简简单单菜远鲜鱿，但鲜鱿多到铺满碟，入口爽甜，菜心亦都好靓吓，兼且大碟份量足，认真抵食 。
菠萝咕噜肉 $55 依道菜差唔多同亲我自己喖边家人食唐餐都例叫咁滞，因为细佬妹钟意嘛。中央做嘅菠萝咕噜肉非常有水准，咕噜肉嘅粉浆适中，啖啖肉，酸甜有致，又唔呛喉，连菠萝、青椒都落足无悭皮。以前玩工联会啲中菜班，师傅话一碟例牌𩠌菜应该大概8两重，眼前碟咕噜肉点止呀 ！
东江盐焗鸡 $140（半只） 话晒招牌菜，所以有一定嘅期望。其实鸡类一共有4款主打，包括东江盐焗鸡、东江奔霸王鸡、脆皮炸子鸡、碧绿上汤鸡，全部都喺半只卖$140，全只卖$260，如果人多，与其叫全只都只喺平$20，就不如叫两款半只仲划算，可以试试唔同做法喺点嘛。虽然我哋叫得半只，但一样够晒大份，皮下脂肪少，鸡皮带爽，而且十分入味，个人觉得唔点沙姜都已经好OK ，不过，有啲部位韧，有啲则好细滑，但整体都认为只鸡喺上算！
另外，茶钱收番$5位，白饭就$8碗，较出面酒楼便宜，不过，咪以为佢旧就唔收加一，10%服务费喺照收你，而且，只收现金，咪谂住碌卡呀。我哋4个人虽然只喺点咗3𩠌1汤，但食得小弟非常之饱，中央嘅菜式称得上大件夹抵食，味道又不俗，可继绩支持嘅老饭店。同一段大埔道隔几个街口仲有稻香同明星，但值得改投「中央」啊 ！
张贴
