影片
更多
2018-10-11
687 浏览
呢间位天水围T Town北座的《井茶 HASH cafe》 极具少女气息， 用上咗少女最爱的Tiffany Blue 作主调， 加上鸟笼摆设， 感觉带点梦幻。呢度除咗有个款轻食同埋主菜之外，仲有各款卖相极度吸引嘅甜品同埋 埋饮品， 简直系打卡呃like必备!为咗保持苗条身形， 就叫番个轻食沙律【 泰式海虾米纸卷】， 用越南嘅米纸， 包入咗沙律菜、青瓜、萝卜丝以及海虾， 再配上甜甜酸酸又带点辣嘅泰式鸡酱， 清新得来又开胃。 米纸卷嘅皮烟烟靭靭， 配合埋新鲜爽脆嘅沙律菜同青瓜， 口感十足。小食【 柠檬黑胡椒酱蜜汁鸡翼】， 鸡翼用左黑胡椒去腌， 烤焗之后再搽上甜丝丝嘅蜜糖， 再加上几滴柠檬汁， 酸酸甜甜得嚟， 又能够食到黑椒嘅香辣。主菜有【泰式烧春鸡配印度烤薄饼】， 烧春鸡份量一啲都唔少， 春鸡烤得外皮金黄香脆， 点埋泰式酸辣酱汁，够醒神! 泰式酸辣汁用咗鱼露、蒜蓉、青柠、辣椒制成， 食起嚟够晒惹味。 每份主菜都配有大量沙律菜， 够晒健康。【墨汁带子意大利饭】， 唔好以为佢黑蚊蚊其貌不扬，食起来味道鲜美。 带子煎得半生熟，带点溏心。 意大利饭嘅生熟度亦掌握得好好， 迎合返香港人钟意饭芯唔好太
呢度除咗有个款轻食同埋主菜之外，仲有各款卖相极度吸引嘅甜品同埋 埋饮品， 简直系打卡呃like必备!
为咗保持苗条身形， 就叫番个轻食沙律【 泰式海虾米纸卷】， 用越南嘅米纸， 包入咗沙律菜、青瓜、萝卜丝以及海虾， 再配上甜甜酸酸又带点辣嘅泰式鸡酱， 清新得来又开胃。 米纸卷嘅皮烟烟靭靭， 配合埋新鲜爽脆嘅沙律菜同青瓜， 口感十足。
小食【 柠檬黑胡椒酱蜜汁鸡翼】， 鸡翼用左黑胡椒去腌， 烤焗之后再搽上甜丝丝嘅蜜糖， 再加上几滴柠檬汁， 酸酸甜甜得嚟， 又能够食到黑椒嘅香辣。
主菜有【泰式烧春鸡配印度烤薄饼】， 烧春鸡份量一啲都唔少， 春鸡烤得外皮金黄香脆， 点埋泰式酸辣酱汁，够醒神! 泰式酸辣汁用咗鱼露、蒜蓉、青柠、辣椒制成， 食起嚟够晒惹味。 每份主菜都配有大量沙律菜， 够晒健康。
【墨汁带子意大利饭】， 唔好以为佢黑蚊蚊其貌不扬，食起来味道鲜美。 带子煎得半生熟，带点溏心。 意大利饭嘅生熟度亦掌握得好好， 迎合返香港人钟意饭芯唔好太晏硬嘅口味。
最后就梗系叫番杯HASH Tea特饮【 海盐芝芝莓果】， 大大杯， 上面白色嘅奶泡加入咗芝士同海盐， 带有少少芝士咸香， 配合埋用咗大量莓果打成嘅沙冰， 够晒凉浸浸。
最后来都必食嘅甜品【 士多啤梨雪糕厚多士】， 卖相方面简直系一百分， 打动咗万千pink pink少女心。 厚厚嘅吐司够松脆， 而且又软熟，上面吱满咗厚厚嘅忌廉， 加埋士多啤梨果酱， 非常甜美。 配合埋士多啤梨雪糕， 增添多一份士多啤梨香气，实属必点之选。
呢间《井茶》非常适合同朋友嚟Hea， 如果想打卡嘅话，记得要求坐入鸟笼里面呀~
张贴
