太平館餐廳

营业中

休息中

对于我呢啲个个星期六都要返工嘅人黎讲，星期六系红日，都系唔错嘅一件事，变左可以连续休息两日。听日唔驶返工，就同老婆出铜锣湾行下街。经过太平馆，老婆话好耐无食呢间啲瑞士汁。难得佢有建议，今晚就食呢间啦!望望餐牌，既然系为咗瑞士汁黎，就点晒两款瑞士汁嘅菜色。太平馆瑞士汁炒牛河 $120 – 牛河热辣辣上枱，已经传出阵阵香气。牛肉份量都几多，食落肉质好腍。瑞士汁炒成嘅河粉，口感好滑。瑞士汁甜度适中，而且炒得够镬气，好食。太平馆瑞士鸡翼 (8只) $176 – 平均都成 $22/只，但鸡翼系全翼，所以好大只。皮薄，用刀轻轻一切，已经可以好轻易切开。甜甜嘅瑞士汁腌到鸡翼好入味，咬落肉质好嫩滑。