坪洲海岸

营业中

休息中

好耐冇去过坪洲，今日同朋友去行山，想揾地方食下午茶，点知四周围都爆晒，仲排长龙，突然间醒起落船𠮶阵见到个招牌，就行返出去码头，再行前多少少近海边就见到间餐厅，入到去餐厅里头，里面都好宽敞，唔似得香港嘅餐厅咁迫，见outdoor都有位，但系行完山真系太热啦，所以我哋坐入面。睇个特饮餐牌，天时暑热最好就系饮啲冰冻嘅嘢，所以我拣咗抹茶鲜奶，都几好饮，上面啲奶泡好滑好轻，红豆都好足料。👍🏻👍🏻食物有好多选择，仲有云吞面食，但系天气太热唔想食汤面，随便嗌左啲小食，不过真系好惊喜，个炸云吞真系好特别，首先佢既形状唔系圆形🤣，然后佢哋用咗个好西式既兜兜既装住，好搞鬼，个女侍应话呢个一定要试，系老细自己包，食落去落去个味都好好吸引。可能因为呢度位置唔就脚，所以大家都错过咗海边呢间隐世餐厅，如果有机会再嚟坪洲，我都会试吓呢间既其他野。