Villa Villa (已結業)

之前朋友食完强推佢个黄金炸薯条，所以放假就同男朋友黎hea个下午。由于系平日，加上我哋嚟嘅时候系lunch Time，好明显见到好多人同同事嚟食晏。lunch来讲，佢嘅选择好多而且价钱唔贵。我男朋友叫咗个all day breakfast，佢个all day好丰富，而且同出边有啲唔同，首先系佢有好多款肉，Parma ham & 烟三文鱼又唔会好似出边𠮶啲咁咸，重点系佢个egg benedict，只蛋劲香。我就叫咗个carbonara，好钟意佢嘅意粉软硬度适中,好弹牙。甘啱我哋去𠮶日系第一日出甜品,所以老板都叫我地试一试,我哋叫咗个Apple crumble，我男朋友平时唔钟意食甜品都盛赞苹果味浓,但又唔会太甜,好清新，成个都俾我哋清晒。另一样要提一提嘅系，好喜欢佢哋好用心布置嘅圣诞装饰，令好钟意圣诞节嘅我心情都特别愉快。