風車

营业中

休息中

今日出左大围揾朋友，揾左呢间隐世小店食野。铺头夜晚系一间bar，晏昼就好似一间西餐厅咁，有做d西式lunch set，选择都几多，有啲扒，意粉，汉堡等等。因为唔想食太饱，所以今次拣左烟肉芝士牛肉汉堡，同埋酱烧猪扒土耳其三文治。先黎跟餐既粟米汤同沙律。朋友话粟米汤略嫌唔够咸，自己加左盐好好多㖞。沙律方面就好新鲜！牛肉虽然唔算好厚，但系有肉汁，仲有好香既牛味！加上佢既面包好松软，又搽左蒜蓉上去烘，为汉堡加多左层次感。烟肉煎得香，芝士溶左落块包到好食！猪扒包好犀利！！入面有两块猪扒！！同样都系芝士已经溶左落块包到，好好食。再加上佢既酱汁（应该系烧汁？），同成个包好配合，唔会太甜太咸。配角既薯角都好似新鲜炸起咁，唔会觉得炸左好耐咁会有油腻感同唔脆。整体黎讲，两个set既cp值好高！饮品方面，普通既茶啡唔需要加钱，我就拣左加10蚊既爆谷味咖啡，因为贪佢新奇同未试过。咖啡调味都恰到好处，一上枱就闻到浓浓既爆谷味，当你以为佢咁香爆谷味应该好甜啦！佢又唔会㖞！只系少少甜，仲饮到咖啡香味，唔会酸。仲有！！佢地用既盐同黑椒都比人感觉好用心！本身仲话想唔食咁饱，点知呢两个set都饱到飞起！