意粉 360 (已結業)

难得老公放假，又系去下午茶既日子呢；今日重好忙，下午茶完去买衫换季，冇耐就晚饭，跟手去睇戏。好耐冇试过一日2餐都出街食呢老公冇乜心水想食乜，我就谂起之前都系意粉360度食过窝夫，印像中都几好食的，又谂住冇几耐又食晚饭，我唔想食太饱；所以就提意去意粉360度食下午茶啦。结果，我真系十分之后悔，D野十分之唔好食，比我既印像差左好远。落完Order冇耐，冻柠茶就到啦，意粉360既柠茶，真系好饮过Pizza Hut既好多好多，虽然唔系十分美味，但系系正常啰。Pizza Hut的柠檬茶，真系饮一次骂一骂，但自己系柠茶精，出街就系要饮柠茶。哗，老公个下午茶，真系难食到...个铁板牛柳好似牛肉干咁，咁大间餐厅，点解会整到D咁差既水准出黎？好彩个汤意粉都冇乜点，但老公食到黑晒面，话整到咁，系屋企煮都好食过佢啦。我点既三文鱼沙律窝夫，咁...好似冇之前果D咁好食，但都OK既。其实今餐就唔系贵，加埋一都只系130有找，但就真系冇之前我印像中咁好食，觉得唔值130蚊啰。