秋香 (黃金海岸商場) (已結業)

口罩令终于解除了，放假系时候去松一松，来到了黄金海岸，见到呢间餐厅有特色煲仔饭，就一于试下啦。午餐有面豉汤及渍物，面豉汤唔太咸，有好多海苔；渍物微酸，开胃一流。滑蛋蒲烧鳗鱼煲仔饭 :饱满嘅鳗鱼铺系滑蛋上面，卖相相当吸引，煲仔饭饭焦香脆，每一粒饭都吸收到鳗鱼汁，味道甜甜地好开胃，同传统煲仔饭唔同，呢度用铁锅上，更能保住热度，食到最后每粒饭都仲系热辣辣。炸物拼盘拼明太子汤乌冬 :炸物有吉列蚝、唐扬炸鸡及吉列虾，每样都系即叫即炸，入口好香口，当中最喜欢吉列虾，够晒大只，炸浆唔太厚，虾肉依然弹牙多汁，好好味。串烧鸡肉 + 大啡菇 :鸡肉烧得刚刚好，入口有轻微焦香味，鸡肉有肉汁唔会太干；大啡菇可以拣辣或唔辣，我地拣咗唔辣，更能食到大啡菇嘅鲜味。柚子菊花茶 :午餐加25蚊可以转特饮，我地加咗一壶柚子菊花茶share饮，柚子菊花茶好香菊花味，味道唔太甜，食完饭饮好适合消滞。