春宵

营业中

休息中

我啲猪朋狗友知我星期五夜晚早收工，好早就约咗我一齐去湾仔春宵火锅店吹水打边炉。 真系唔怪得系星期五夜晚，成间餐厅都爆满，好热闹，我哋唯有等耐咗少少，好快就有侍应带我哋入去坐。忙咗成个礼拜，梗系要叫【招牌滋阴补身鸽子汤】嚟补返一个礼拜嘅疲劳啦。呢个汤底系冇味精嘅 养生汤底，原只鸽子熬出嚟嘅汤好香浓，真系好想快啲食。【济州猪腩肉】放入汤之后好软熟，有浓郁嘅猪肉味同汤味，完全冇油腻嘅感觉，一碟都唔够我哋 食。重头戏梗系【A5飞驒和牛牛颈脊(大)】，A5嘅高级和牛真系非同凡响，纹理好靓，口感鲜嫩多汁， 配埋汤汁都盖唔过佢丰富嘅牛味。正!【泡菜烟熏猪腩肉】系令我最惊喜嘅菜式，新鲜嘅泡菜味配搭微焦香嘅猪腩肉，竟然咁好食。【潮汕牛筋丸】粒粒弹牙，咬落去好有口感，充满住牛肉味，令我哋嘅晚餐增添咗唔少风味。