影片
更多
2017-08-12
44 浏览
以前系湾仔返工几乎食揾匀该区嘅拉面，见呢间新开又评价唔差就走去试下🤣地方唔显眼系一条小街市，附近舖头关哂，唔系因为有目标唔会走入𠮶条街揾食😵不过走入舖头完全另外一个风格，格局令人念起深宵食堂，工业风嘅装修，楼底好高空间感重，小店经营2个侍应。菜单配搭颇多，每样细节都可以有要求😳例如面条嘅柔软度、汤嘅浓度、油嘅份量都可以控制，完全啱晒腌尖麻烦嘅我，因为选择困难，所以拣咗厨师推介。胡麻王系由黑芝麻同白芝麻磨蓉沟埋猪骨汤底，闻落似芝麻糊，唔饮落好香芝麻味，仍饮得出有猪骨味，都几有趣，芝麻糊阵气味会提你佢系甜既，但呢碗汤底饮落系咸既，每次饮汤底都会提醒我佢唔系芝麻糊🤣成个配搭新鲜感几重，配料亦出色，值得一试！不得不提佢嘅叉烧几松软，唔似其他食落鞋口啃唔烂👍🏻沾面就同认知嘅好唔同，一直识开嘅沾面系热嘅，配上浓厚嘅汤汁俾你挂得到面，食完面再会用木鱼汤沟浠汤汁再饮。幸屋既沾面系冻上，啲面系经过冷制，面汁系比较稀释，食落去系酸酸甜甜咁同食开既咸味有分别，突然觉得好似食紧越式捞檬咁（当然上面既配料唔同）食前做定功课会易d接受。叫咗鳗鱼同茄子2款串烧，口味偏甜，细小份量可以过下口瘾。员工嘅服务态度热情，感
不过走入舖头完全另外一个风格，格局令人念起深宵食堂，工业风嘅装修，楼底好高空间感重，小店经营2个侍应。
菜单配搭颇多，每样细节都可以有要求😳例如面条嘅柔软度、汤嘅浓度、油嘅份量都可以控制，完全啱晒腌尖麻烦嘅我，因为选择困难，所以拣咗厨师推介。
胡麻王系由黑芝麻同白芝麻磨蓉沟埋猪骨汤底，闻落似芝麻糊，唔饮落好香芝麻味，仍饮得出有猪骨味，都几有趣，芝麻糊阵气味会提你佢系甜既，但呢碗汤底饮落系咸既，每次饮汤底都会提醒我佢唔系芝麻糊🤣成个配搭新鲜感几重，配料亦出色，值得一试！不得不提佢嘅叉烧几松软，唔似其他食落鞋口啃唔烂👍🏻
沾面就同认知嘅好唔同，一直识开嘅沾面系热嘅，配上浓厚嘅汤汁俾你挂得到面，食完面再会用木鱼汤沟浠汤汁再饮。幸屋既沾面系冻上，啲面系经过冷制，面汁系比较稀释，食落去系酸酸甜甜咁同食开既咸味有分别，突然觉得好似食紧越式捞檬咁（当然上面既配料唔同）食前做定功课会易d接受。
叫咗鳗鱼同茄子2款串烧，口味偏甜，细小份量可以过下口瘾。
员工嘅服务态度热情，感觉似去咗日本但系佢哋系讲紧广东话，点餐𠮶阵时佢哋好细心咁问你问题，如果有少少怠慢佢地都会不停讲对唔住，客人至上，搞到食惯港式茶餐厅嘅我都有少少唔好意思。😂
如果想回忆下日本小店既感觉，呢间系唔错既选择。
张贴
