影片
更多
2024-06-12
84 浏览
最近返工返到好攰，因为太多嘢做，所以难得放假想揾个地方chill，收工行过见到呢度气氛几好，所以决定试试。餐厅开喺尖沙咀闹市入边，虽然店舖唔算大，但系分开室内同埋室外座位可以拣，因为今日有啲热，所以我哋选择咗喺室内坐。避风塘炒蚬墨鱼面蚬肉大大只，食落去都几新鲜，围成一盘花咁好靓。墨鱼面十分弹牙，配上脆卜卜嘅蒜粒，好惹味。香辣茄汁海鲜意大利饭呢碟其实一啲都唔辣，主要都系蕃茄味，爱加几粒辣椒仔做装饰，怕辣嘅人士都绝对啱食！海鲜方面都好丰富，有蚬肉、墨鱼仔、青口、仲有大虾，好丰富。Jagger 特色火焰德国咸猪手一上碟时会有一个表演睇，侍应会用橙酒点着火焰，再淋落猪手上面。之后仲会好贴心咁帮我哋切好方便食用。嘢饮方面，我哋嗌咗一杯冇酒精嘅Air force red，同埋一杯用香槟制成嘅Mimosa。两杯嘢饮分别用咗苹果汁同埋橙汁调制而成，好易入口。好推荐air force red，入面仲有粒粒士多啤梨同埋荔枝果肉，正！
最近返工返到好攰，因为太多嘢做，所以难得放假想揾个地方chill，收工行过见到呢度气氛几好，所以决定试试。餐厅开喺尖沙咀闹市入边，虽然店舖唔算大，但系分开室内同埋室外座位可以拣，因为今日有啲热，所以我哋选择咗喺室内坐。
避风塘炒蚬墨鱼面
蚬肉大大只，食落去都几新鲜，围成一盘花咁好靓。墨鱼面十分弹牙，配上脆卜卜嘅蒜粒，好惹味。
香辣茄汁海鲜意大利饭
呢碟其实一啲都唔辣，主要都系蕃茄味，爱加几粒辣椒仔做装饰，怕辣嘅人士都绝对啱食！海鲜方面都好丰富，有蚬肉、墨鱼仔、青口、仲有大虾，好丰富。
Jagger 特色火焰德国咸猪手
一上碟时会有一个表演睇，侍应会用橙酒点着火焰，再淋落猪手上面。之后仲会好贴心咁帮我哋切好方便食用。
嘢饮方面，我哋嗌咗一杯冇酒精嘅Air force red，同埋一杯用香槟制成嘅Mimosa。两杯嘢饮分别用咗苹果汁同埋橙汁调制而成，好易入口。好推荐air force red，入面仲有粒粒士多啤梨同埋荔枝果肉，正！
张贴
