COBALT

营业中

休息中

今日放工想同朋友chill 一chill, 经过见到呢间都几多人就想试吓。一入到餐厅左边就有一排拍墙嘅酒柜，餐厅以蓝色为主调，坐得好自在，系一个同三五知己把酒谈欢嘅好去处。 我哋叫咗风干火腿凯撒沙律沙律嘅调味同配搭恰到好处，加上风干火腿同埋脆脆嘅面包糠，口感丰富，非常开胃。之后嘅小食就真系令我喜出望外香煎法国鹅肝配香槟啫喱本身只系谂住鹅肝应该系配toast嘅，估唔到原来厨师用咗白糖糕夹鹅肝，感觉异常合适。有惊喜嘅系，原来白糖糕配鹅肝系咁好味，我觉得厨师系有用心去设计呢个菜式嘅，系一道不容错过嘅菜式。个main就拣咗慢煮纽西兰法式羊架慢煮羊架将肉汁锁住，并充分渗透每一根骨嘅肉质，冇丝毫嘅干柴感，让每一口都能感受到羊肉嘅嫩滑，配搭酱汁入口嘅体验令人惊喜。薯菜方面嘅配搭亦都非常出色。最后甜品就系心太软外层的蛋糕表面微脆、内层则保持柔软湿润的质感。一刀切开后，热腾腾嘅朱古力浆从中流出，搭配抹茶雪糕，冷热交融，带来了清爽的尾韵。