鳥語 (已結業)

同朋友出街梗系拣间可以影到靓相嘅cafe 啦所以就揾左呢间好似食得又影得嘅餐厅，我地两个人就叫左一个富士山黑豚肉咖哩饭同柏士图青酱雪糕海鲜意大利面。个人认为咖哩饭好食过意粉，咖哩有啲似沙爹王嘅白咖哩比较重香茅味道，但肉真系偏少。虽然饭系蓝色，都其实只系普通饭嘅味道。另外意粉方面，雪糕球其实就系cream cheese ，雪糕筒似超市买到果啲唔脆嘅雪糕筒，将cream cheese 搅匀就可以食，食落cream 味好浓，但无咩青酱味，偏腻。海鲜唔会过老，意粉偏向食佢个样多过佢个味，个人推荐富士山咖哩饭，意粉要睇自己对于cream 嘅喜爱程度。