影片
更多
2009-10-20
17 浏览
17-10-2009 Sat为男友预祝生日,想去元朗铁皇日式铁板烧食,去到时应该系7:25pm,等到7:44pm,重谂好o左叫咩食时,入面o既女侍应至讲有几个客打电话book o左位,都要等几耐,叫我o地留电话.有冇搅错?我o地等o左咁耐至讲,而且佢限定每个客人只有60分钟时间食饭,咁更加应该预计到几时有位畀我o地啦.我o地留o左电话后, 咁我o地就行吓,男友话揾第二啲o野食.啊.,我记得交通广场有间西餐厅又好似好好食,就带佢行过去,系New York Café & Bar,点知一样系fully booking,咁我o地又唯有走人啦.由于我同男友都唔系好饿,我就问佢再去唔去天鸿食?佢话好,但都系边行边睇,经过呢间,睇见佢o地晚餐又好似几好咁,男友就决定呢间.我o地坐到差唔多最入o个个卡位,我o地要同样系$46.00o既晚餐,男友要纽西兰黑椒汁T骨扒饭转薯菜,我要焗芝士菠菜蘑菇龙利柳饭,但可转意粉.同样,男友要罗宋汤,我要忌廉汤.佢要冻柠茶,我要热柠水.落好单,我就影底menu,以防老人痴呆症,点知亚姐拎餐具o黎时见到,问我系咪抄o野?我答唔系.男友帮我补一句话系写食评.之后,餐汤同蒜蓉
我o地留o左电话后, 咁我o地就行吓,男友话揾第二啲o野食.啊.,我记得交通广场有间西餐厅又好似好好食,就带佢行过去,系New York Café & Bar,点知一样系fully booking,咁我o地又唯有走人啦.
由于我同男友都唔系好饿,我就问佢再去唔去天鸿食?佢话好,但都系边行边睇,经过呢间,睇见佢o地晚餐又好似几好咁,男友就决定呢间.
我o地坐到差唔多最入o个个卡位,我o地要同样系$46.00o既晚餐,男友要纽西兰黑椒汁T骨扒饭转薯菜,我要焗芝士菠菜蘑菇龙利柳饭,但可转意粉.同样,男友要罗宋汤,我要忌廉汤.佢要冻柠茶,我要热柠水.
落好单,我就影底menu,以防老人痴呆症,点知亚姐拎餐具o黎时见到,问我系咪抄o野?我答唔系.男友帮我补一句话系写食评.
之后,餐汤同蒜蓉多士到o黎,罗宋汤o既色好淡,我o既忌廉汤里面有磨菇同长长o既火腿条. 饮落,够杰,但味道就肯定唔系鲜忌廉汤,系一般茶餐厅会做o既忌廉汤.而男友o既罗宋汤,我问佢新唔新鲜?佢答可以啦,味道淡淡,沟水太多.
而大大块o既蒜蓉多士有啲韧,味道都可以.
之后竟然系餐茶先到,但畀错热柠茶我,我就叫佢换返.
然后两个主菜一齐到o黎,都好大碟吓,男友o既薯条又系热辣辣,好好味,黑椒汁味道怪怪,原来系烧汁加黑椒粒,所以唔辣,T骨扒亦当然够腍呢.
而我o既焗意粉呢,样样都OK o既,只系味道淡啲,龙利柳就煎到白里透红.
服务:
唔错,都好快手.
环境:
装修比o衣o家好轻简约o既装修好,因为天化都有花过心思,而卡位背系好高o既.
总括o黎讲,如果食物再做好啲,呢o度会好抵食.
后记:
原来经过埋呢间餐厅,转个湾就系天鸿啦.
而铁皇日式铁板烧呢,就o系8:32pm call过我,(我当时听唔到),我都差唔多食完饭走人啦.
张贴
