Kaleido Coffee (已結業)

平时返工好忙，食快餐，食叮叮都系为左争分夺秒做多啲工作 ，可能连饮杯咖啡都无时间。难得今日放平日，紧系要放慢脚步，叹杯咖啡，享受一下难得嘅时光。餐厅唔难揾，门口有2张露营椅，唔知可唔可以坐系外面扮下露营呢？餐厅以灰白色为主调，唔会太花巧，大概只有8张枱。装饰都以简约为主，特别钟意呢个地球灯，望上去感觉舒服。开放式厨房，每当有客人order咖啡嘅时候，会即时闻到咖啡香，咖啡气味渗透餐厅的每一个角落，令大家精神一振。呢杯系日式焙茶鲜奶（Hojicha Latte），系外面餐厅比较少有，出自日本小山园焙茶粉，焙茶味好香浓，鲜奶好幼滑，奶泡细致绵密，奶味茶味平均，比平时饮开嘅抹茶鲜奶多一啖回甘味，超正。朋友亦大赞佢杯短笛咖啡（piccolo），叫左Nutty 味，nut味好浓，完全唔酸，咖啡味浓郁。我地另外叫左雪糕比利时窝夫，雪糕奶味香滑，为生活添上一点甜。咖啡味，焙茶味，午后阳光，都可以令人放慢脚步过左一个休闲嘅下午。