泰星匯泰國菜

营业中

休息中

午市时间呢间餐厅都好多人排队，所以今次都唔执输排埋一份。排左廿五分钟终于入坐，饥肠辘辘既我们就叫左驰名海南鸡饭、泰式湿炒河同埋猪颈肉炒河海南鸡饭味道几好，系泰式既鸡饭黎，Ｄ鸡略嫌肥左少少之外都无可挑剔。不过叫左湿炒河既同事就唔好彩可能因为对于港式既湿炒河太过根深蒂固，无谂过泰式既原来系放汤，同事见到个刻嘴都扁埋。虽然个味道都系正常，但系真系有少少失望…猪颈肉炒河都唔见得好好，河粉炒到碎晒，Ｄ配菜又好似𩠌头𩠌尾咁。虽然味道都系正常，不过睇落真系麻麻地。其实呢间餐厅食物都算系唔错，至少系对得住个价钱，但系有一个问题系呢间餐厅令到我地会返转头。餐厅既上菜速度真系好慢，打工仔如我们得一个钟食lunch真系等得位黎都已经唔洗食，仲要等佢上菜。同事同我地一样叫海南鸡饭，但系佢个饭就迟迟都未有。连隔离台迟黎既食客都已经上晒菜，但系我地经过多番催促都无人理会。侍应都只系敷衍了事，唔会将隔离台既鸡饭先让俾我地。最后同事空住肚离开，净系饮左杯咖啡…虽然食物既味道系唔错，但系如果系赶时间既打工仔千祈唔好系食饭时间去。