必勝客

营业中

休息中

养伤在家日日叮嘢食，闷到唔想再食屋企的存货，想起11月食过嘅PIZZA几好味，不如就叫外卖PIZZA食啦，一个人又无咩好拣，一不做、二不休，叫返上次个2-3人餐，最多午晚餐都食佢，网上订购满指定金额，仲送一个薯蓉，抵㖞比预定时间早咗15分钟送达。心思思芝味批滋味2-3人套餐一个普通批、一个通粉、一个焗蔬菜、一个小食、2罐百事可乐、送一客薯蓉。Parma Lam - 心思思芝味批订购时已说明因为太受欢迎，双色芝士缺货，祇得一种色，所以视觉上有点逊色，仍然热辣辣，味道OK好食。芝士菠菜蘑菇长通粉呢个好香又好食，芝士汁刚好，长通粉软硬适中，菠菜仲系绿色无变黄加咗几粒车厘茄，颜色丰富辣味鸡翼拼意式迷你肠正常味道，无投诉。萄汁焗蔬菜呢个要赞，蔬菜保持口感，唔会腍啫啫，青绿无黄，加埋萄汁好好食，食到停唔到口，最先食光呢样。白汁烟肉薯蓉薯蓉幼滑，捞埋白汁几好味，烟肉都几多㖞一个人一餐梗系食唔哂啦，2个人食埋晚餐都仲有剩抵食㖞。