金竹苑中菜廳 (已結業)

中菜普遍系大时大节都会同屋企人食，所以其他时间都会选择食其他国家嘅菜式，不过心血来潮想食中餐，所以就拣咗开饭榜上有名嘅中菜厅，听落好似几架势lol大楼外墙装修紧，可能好多人都唔知间餐厅系到，所以上到去都唔系太多人，只有几围枱睇睇餐牌，其实野食选择唔算多，但系价钱都唔太贵，所以我荷包可以放心啲~睇完成个餐牌，我明明见过佢地有蒸汽石锅嘅菜式，谂住黎呢到一试，点知已经无咗喇 !!所以唯有叫其他野食……首先到嘅系避风塘去壳濑尿虾，就咁睇张相可能唔知系咩黎，因为餐厅已经好贴心咁将濑尿虾起好肉，跟住再炸，所以只系见到一旧旧炸物，不过啲濑尿虾虾肉都几大旧。炸好嘅虾肉同辣椒、韮菜再炒一炒，但系虾肉都仲可以保持到脆身嘅口感，而且有淡淡嘅辣味，感觉几开胃跟住上嘅系香煎清远鸡，一上枱见到系炸嘅，所以以为佢上错咗，唔知点解香煎会系炸，呢个中式炸鸡都炸得几脆，肉质都算嫰滑，再点埋沙律酱，味道就更加好，而且半只鸡嘅份量就够晒我地四个人食～之后都系炸嘅食物，逐只计嘅酥炸大元贝，炸好之后放番上个贝壳到，中间炸得啱啱好，元贝仲可以保持湿润，口感都唔错。但系食咁多炸野都几漏下，最好连埋元贝下面啲菜一齐食帮紧粒大元贝影相