花園餐廳 (已結業)

中午好耐都无试过去锯扒啦，于是的起心肝黎呢间本地出名价廉物美既扒房。虽然午餐时段比较多人，但由于我一个人去，点都有单丁位坐既，锯得扒一定系要系铁板啦，坐低之后二话不说就叫左个铁板西冷牛扒餐。等左大约10分钟就有得食，黎到后我拣左黑椒汁，话就话中午时段，但份量完全无话细左，牛扒一如以往遮住块铁板咁大，又厚身，我叫左五成熟，所以用刀唔太难切，牛扒的中心部分系鲜粉红色，对于我黎讲，熟既程度系o岩o岩好，咬落去肉质嫩口弹牙，一D都唔韧，而且牛肉味好浓，最右边仲有块细细既肥膏，系西冷扒既精华所在，咬落去D牛油标晒出黎，好香好醇，虽则系有小小油腻，但锯得扒呢D都系湿湿碎啦，几耐唔一次，无所谓啦。牛扒下面系好多薯条同两棵菜，叫做平衡一下呢餐既营养价值咁啦，讲左咁耐总之就系好满足的一餐，咁既价钱有咁既质素，其实真系好好ga啦。