極尚大喜屋 (加連威老道) (已結業)

好耐冇去食放题，女朋友又唔系食得好多嘢，所以放题得黎都要拣间食靓嘢食嘅先得。极尚大喜屋就系我哋嘅首选。呢度永远都系座无虚席，今日虽然系礼拜一，但系一早条排队嘅人龙已经喺马路旁边默默静候咁等紧入座。职员都尽快帮我地安排入座，虽然两个人，但佢好好咁俾咗张四人枱我哋，可能睇得出我一副大食样特登比张大啲嘅枱我放食物🥰。一坐低二话不说就立即动手，每一张都点左好多唔同嘅食物。等左冇几耐啲嘢食就陆陆续续咁上台。首先系个刺身拼盘，带子、赤贝、甜虾、北寄贝、象拔蚌等等，食材选料不俗，味道鲜甜。例如有时出面食赤贝会有啲腥味，但呢度嘅完全唔会，仲爽口鲜甜，分外美味。蒲烧鳗鱼肉厚松软，而且酱汁调味刚好，令人忍唔住再带多2round。炒珊瑚蚌有意外惊喜，估唔到食放题嘅地方嘅小炒都如此爽口美味，蒜蓉带出珊瑚蚌嘅鲜甜，值得一试。海胆军舰用料十足，海胆连同海水咸味喺口腔里面徘徊，以放题来讲呢度嘅份量真系超多。再嚟就系炙烧左口鱼寿司，左口鱼烧过嘅情况之下鱼油溢出，滋润寿司上嘅饭粒，更显油香。最后每人都有一杯雪糕，呢期嘅限定就系Tiramisu，点可以唔试下佢呢。总括嚟讲食放题首先梗系极尚大吉屋啦。