大喜屋 (已結業)

中學同學好耐冇見，諗住食餐好既敍下舊，於是我地就揀左係尖沙咀A出口行一分鐘到就到既　「大喜屋」食午市放題。開始我地先嗌左個刺身拼盤，個賣相一般但三文魚同劍魚腩切得好厚身好肥美好新鮮，象拔蚌鮮甜爽脆;海膽手卷同三文魚親子手卷勁足料，海膽食落好creamy;佢D炸物唔會好厚粉！尤其推介佢個山貓王天婦羅，勁濃勁香，中意榴槤既朋友一定唔好錯過。至於個撈烏冬嘅麵質就ok彈牙幾好食，熟食我地就叫左個人參雞鍋、牛柳粒，另外個沖繩黑糖網燒牛仔肉又係必嗌，肉質嫩口，薄薄地但極重牛味！甜品方面就有泡芙、牛乳布丁、tiramisu等等等⋯⋯每一仲送一杯haagen dazs/ movenpick雪糕. 野飲種類都幾多，仲有佢地自家製既特飲！總括黎講依間餐廳野食種類都幾多下，D野食寫完紙又好快送上枱，下次朋友聚會應該都會揀食依間呀！