大喜屋 (已結業)

话说我依家就进行紧地狱式瘦身计划， 每日都会进行至少一个小时嘅运动， 包括举重，带氧运动，重量训练等等… 咁而饮食方面都非常节制。 今次收到朋友食放题呢我都有少少犹疑，因为之后我就要去旅行…希望可以做一个好嘅身材去迎接！！！ 对于为食嘅我，去放题食少少 ，简直就等于叫我俾钱浸温泉唔落水！！最后我都应邀出席。由于要上班迟咗少少去到嘅时候朋友已经叫到一枱𩠌， 朋友们都对我好好 ，点做一啲相对比较健康嘅𩠌 咁当中有烧菠萝， 烧蕃薯仔 ，柚子沙律 ，充满杂菜嘅泰式酸辣汤， 同埋一碗非常清澈嘅杂菜汤。平时我去食放题， 除咗鱼生必点之外，炸物，天妇罗绝对系我嘅最爱。尤其是系炸鸡翼 ！但系今次瘦身嘅放题之旅刚好俾我试到放题食物品种多样性… 哈哈，好似自我安慰… 去放题唔应该净系食刺身！放题店定期都会更新好多食物！就好似有烧墨鱼 ，麻辣猪耳等等…都系跟住饮食潮流衍生出嚟嘅！下次大家都不妨去放题便睇下冇新嘢啦！