龍井 (已結業)

之前有帮衬过，见佢最近推出左 $50串烧放题，决定去试一试有冇伏？！照旧老板都系咁nice, 解释完放题只需每二人叫一个煲仔饭 （$75-$128都有）‘或者 ’ 叫一set 啤洒 （$128/6支）有百威，嘉士百，asahi，蓝妹拣，就可以每人加$50任食四款猪牛羊鸡串，我哋四个人叫左一set 啤酒，一个煲仔饭滑鸡腊肠煲仔饭 干爽 有饭焦虽然话系放题，但串烧一啲都唔hea，同散叫既一样，老板话即叫即烧，每次烧出嚟都热辣辣，绝对唔系整定冻冰冰，记得要配埋佢哋既沙嗲酱每round1 set 咁出，食完再叫，惜食 「杜绝大嘥鬼」我哋四人最后食左6 rounds，老板仲问我地够唔够，要唔要再黎多round ，但因为太饱已经食唔落个人比较钟意牛同🐔，$50食咁多串仲想点抵回哂本另外我哋叫左其他串烧，同上次一样keep到水准如果只食放题加个煲仔饭，每个人头加埋一都系一百蚊度，真系好抵食虽然系食放题 ，但对我黎讲食物质素都好重要。呢间小店绝对有诚意！系宜家既疫市，更加值得支持。都系个句，串烧要热辣辣先好味！