影片
更多
2020-12-03
785 浏览
因为一早book 左位， 所以虽然系两人限聚令重新生效的第一日， 都同友人上来食大闸蟹放题。 去到现场， 成场空荡荡， 连埋我个枱， 都系得4-5枱客。 去到的时候，仲有一个疑似经理的长发女待应仲好好招待， 执咗下我哋啲位， 又问你饮咩茶， 仲提叫你要快啲落单。 呢个时候我哋心谂， 今次几好㖞， 又唔多人， 服务又好似唔差，应该唔会有之前食评提过既问题啦。但， 青年你太年轻了，一切只是假象。首先系最重点的大闸蟹，一来佢哋供应的大闸蟹好细只，细个一个成年女士的手掌心🤚🏾，二来佢哋供应的大闸蟹无咩蟹膏， 又因为佢啲蟹细只， 所以连蟹肉都无咩，结果系无蟹膏又无蟹肉食。 然后你会见到有3 种口味，好似好难拣？ 唔洗担心，因为3 种口味，味道上无分别，系盐焗个款大闸蟹，面有阵牛油味的油，但食落你系分唔到３只味有任何分别。再加上佢啲蟹又唔系新鲜，所以蟹又无蟹味， 成个感觉就系成晚系到拆蟹。 虽然佢啲蟹咁低质，客人又少， 你就以为啲蟹会上得快？ 事实系， 我哋7 点正入座就落第一转大闸蟹（每只味一款，共６只蟹），然后食佢每人限一份的前菜，食到７点１０分我哋顺势落第２转蟹（清蒸每人２只；花雕每人１只，
但， 青年你太年轻了，一切只是假象。
首先系最重点的大闸蟹，一来佢哋供应的大闸蟹好细只，细个一个成年女士的手掌心🤚🏾，二来佢哋供应的大闸蟹无咩蟹膏， 又因为佢啲蟹细只， 所以连蟹肉都无咩，结果系无蟹膏又无蟹肉食。 然后你会见到有3 种口味，好似好难拣？ 唔洗担心，因为3 种口味，味道上无分别，系盐焗个款大闸蟹，面有阵牛油味的油，但食落你系分唔到３只味有任何分别。再加上佢啲蟹又唔系新鲜，所以蟹又无蟹味， 成个感觉就系成晚系到拆蟹。 虽然佢啲蟹咁低质，客人又少， 你就以为啲蟹会上得快？ 事实系， 我哋7 点正入座就落第一转大闸蟹（每只味一款，共６只蟹），
然后食佢每人限一份的前菜，食到７点１０分我哋顺势落第２转蟹（清蒸每人２只；花雕每人１只，共６只蟹）；大概７点１５分来了第１转蟹，咁我哋开始食蟹，食到７点４５分，仲未有第２转蟹，我哋就问个疑似经理的长发女待应，然后佢话蒸紧， 咁过左阵仲未有，我哋再问，疑似经理的长发女待应又话出紧嫁啦， 当然又未有啦， 咁我又再追问，疑似经理的长发女待应就话啲蟹要蒸嫁吗， 我就同佢讲我７点１０分落单的，咁我哋见等咁耐，又唔知会来，所再落多次单（每人2 只清蒸）， 但无再催， 因为一来催都无用； 二来佢啲蟹又细又无蟹膏又无蟹味，不吃也罢。 最终，全晚头一个小时只上了１转蟹，但最后都有上齐３转。另一来陶源食蟹放题，是因为佢有乳猪任食，友人喜爱乳猪，所以唔去食利宝阁，反而来了陶源。的确佢啲乳猪系皮脆的， 但也太肥。 更重要的是，你想食到也不容易，任食的乳猪也是要三催四请先有得食少少。
一来到，也就是７点正已问有无乳猪食，疑似经理的长发女待应就话未咁快有，有就会上比你；咁第１转都好快有，７点１０分就同啲前菜一齐出咗，咁我哋顺势问仲有无得叫乳猪，疑似经理的长发女待应就话啲乳猪咁肥，叫我哋唔好食咁多，话食唔到其他野。咁过多阵我哋等紧啲蒸左成个钟既蟹，又 问多次，佢话烧紧，然后终于见佢出乳猪，但比左隔离枱， 问佢仲有冇，佢 又话无晒， 又要等，终于问多几次，先有得食，４旧仔。到后尾再有客入， 再问终于有第3 转４旧仔。 然后最尾再问，佢话无晒嫁啦。 说好的任食乳猪呢？？虽然佢有写＂部分食品，售完则止＂
然后简单讲一讲佢配给的每人限一份的前菜
１. 金汤小米烩辽参
味道清淡，小米虽少有咬口，寥寥可数辽参都有咬口
2. 鲍汁扣原只鲍鱼伴翡翠
鲍鱼正常，西兰花够脆绿，个汁无点试，见个色都唔想试3. 蟹粉扒豆苗
2人份量??? 茶餐厅水平，同埋唔够热，亦无蟹味然后其他可任食的食物
杨枝甘露， 料多但味淡
芒果布甸， 太甜但芒果肉多红枣糕， 中上 水平， 烟韧不黏牙， 有少少红枣味也不太甜
炖蛋， 太杰， 无蛋香蛋味姜茶汤圆， 姜味好重， 我好爱， 友人觉得太辣
糯米饭，似街边点心档水平， 虽然唔系一pat pat , 但糯米无𡁻口， 无立味香， 虾米冬菇也欠奉， 加少省芫荽,
都系会拖单的食品仲有寿包同脆麻花， 二个都系入座就叫咗，然后无晒影，系系最后个半钟后问左佢先有得出。
但寿包不用试， 莲蓉得个甜， 无莲蓉味香， 包又干又硬。
脆麻花正常
简单来说，如果 贵团没有足够的能力／资源提供此类放题的服务，就请专注就回本位，更是上策。
张贴
