影片
更多
2013-04-23
72 浏览
都不知是何时见到电视报导的放题饭店!不知不觉间就和女朋友及一知己走到了庙街!因为星期六的关系,店外排了小人龙一条,店员叫我们等下轮时间,当时7点半左近,我们等到7点45分终于有位,坐了一张四人台,台都ok大,不用搭台! 一坐低,店员马上送上餐牌 一睇有点吓亲,有蟹,虾,鸡丝翅,鲍片鸡脚,圣子,花螺等贵价野,隔离仲有个价钱,紧系问清楚d先啦,废事埋单唔系$68咪死!餐牌上有十款海鲜同几款小菜,写明都可以叫一次,会跟人头份量,于是问了女朋友胃口如何后决定了点几样自己较为喜欢的! 准备落单之际,店员话系自己写既!又好,自己埋啦,$68蚊系要有d要求既,去大家乐都要自己拎啦!于是用自己最快既速度写好晒d食物!入单时,店员顺便就开左一张埋单纸俾我地,上面写住8:00-9:00!哦,落单先开始计时! 过了5分中到,第一道菜黎了 系鸡丝翅,味道又唔错喔!同酒楼既味道有得比下!2分钟后,有花螺了 我最爱虽然得甜酱冇辣酱,不过味道鲜甜,新鲜!5分钟后,店员叫,圣旨到!哦,圣子到!有小小辣,但仍保持圣子的鲜味,虽然有少少沙,仍可接受,边有完美?再过了2分钟,一气黎两碟,
都不知是何时见到电视报导的放题饭店!不知不觉间就和女朋友及一知己走到了庙街!因为星期六的关系,店外排了小人龙一条,店员叫我们等下轮时间,当时7点半左近,我们等到7点45分终于有位,坐了一张四人台,台都ok大,不用搭台!
一坐低,店员马上送上餐牌
一睇有点吓亲,有蟹,虾,鸡丝翅,鲍片鸡脚,圣子,花螺等贵价野,隔离仲有个价钱,紧系问清楚d先啦,废事埋单唔系$68咪死!餐牌上有十款海鲜同几款小菜,写明都可以叫一次,会跟人头份量,于是问了女朋友胃口如何后决定了点几样自己较为喜欢的! 准备落单之际,店员话系自己写既!又好,自己埋啦,$68蚊系要有d要求既,去大家乐都要自己拎啦!于是用自己最快既速度写好晒d食物!入单时,店员顺便就开左一张埋单纸俾我地,上面写住8:00-9:00!哦,落单先开始计时!过了5分中到,第一道菜黎了
系鸡丝翅,味道又唔错喔!同酒楼既味道有得比下!2分钟后,有花螺了 我最爱
虽然得甜酱冇辣酱,不过味道鲜甜,新鲜!5分钟后,店员叫,圣旨到!哦,圣子到!
有小小辣,但仍保持圣子的鲜味,虽然有少少沙,仍可接受,边有完美?再过了2分钟,一气黎两碟,蟹同鲍片鸡脚
于是我问店员点解得1只鸡脚?店员俾返我写果张单我睇,因为我冇写人数!唔好意思,系我大意!店员也帮我换返一盘出黎!又过了一阵间,蚝饼都到埋!
食食下,谂起会唔会唔有煲仔饭呢,睇返个餐牌是写住要$8既,白饭同粥就任食!都系叫3碗粥啦!天头咁热!又食到咁上下,谂起好似未叫濑尿虾同海虾添,于是又补返张单,最后等左20分钟先到店员话后加系会迟少少,下次应该一早写晒就稳阵!
食左50分钟都差唔多,无无聊聊又睇下张餐牌,原来仲有野未食,不过算啦,下次先,都好饱啦!再睇真一D,有段文字好吸引,叫和兴饭店的心声,内容大概系话呢个价食咁多款野已经系呢度既极限,老板只能做到咁样,同埋老板星期日会派米俾长者,善心人可以一齐支持下,餐厅仲贴左好多派米的相片!话有好多阿婆为左袋米晨早黎排队,有好多人其实食都未食得饱,若然觉得OK的话,就捐一点钱出来的意思!
说句心底话,埋单$204蚊,我自己都有D唔信,有蟹,有翅,我都当赚左,最后我捐左$50入捐款箱,希望这个世界多点这种善心人就好了
张贴
