下江南

营业中

休息中

今日放工放半日去故宫博物院游玩，周围影相打卡之后觉得肚饿啦，就简左呢度G层一间好靓既中菜餐厅，继续一边医肚，一边打卡！呢度既装修风格真系好靓窗外面既靓景色都令人赏心悦目我同朋友每人叫左一个下江南既精选套餐，套餐可以加两个特色小菜。呢个系火熏玉莲鸭子面，个菜名十分之诗情画意，火熏鸭肉有熏香既味道，加上用莲子熬制既汤底，成碗面都好入味诱人！呢个餐配搭左呢两样小菜，分别系夫妻肺片同埋手拍青瓜拌云耳。而第二个精选套餐，我哋就叫咗呢个山西肉夹馍，入面有好多蔬菜同埋咸咸地嘅鸭肉，仲有好香嘅孜然味。呢个套餐嘅小菜就拣咗盐水鸭同埋醉仙鲍，两样小菜都非常有特色，味道好唔错！最后仲叫咗个甜品，鲜芒果雪糕大明珠，呢个甜品真系好夹呢个热唔热炎炎夏日。