早安越南 (已結業)

同两位朋友一齐去食, 我点左"酸辣汤海鲜黑粉丝"同"椰汁冰"。饮品同朋友既食物一早已经送到, 我果碗粉丝一直未到。之后其中一位朋友已经食完仲收埋碟, 我地就揾一个女店员讲争个粉丝未到。个女店员不屑望我地一眼讲左句"整紧呀, 粉丝系要耐d 架啦!", 然后走左!然后朋友再帮我揾番落单个哥哥仔, 呢个哥哥仔态度较好, "今日d 单唔知点解去晒面果边呀, 我地都唔敢催佢地!" (我心谂楼面都唔敢催? 咁我自己入厨房催? )过左一阵个哥哥仔番黎, 话见到厨房毕紧粉丝, 呢度想赞下果位哥哥仔有交带。等左近半个钟卒之有得食, 满心期待夹起一撮粉丝, 竟然……发现入面有一条零舍黑既胶线物体!但我再唔食就迟到, 怕佢再换又等半个钟, 最后都系照食算。食物方面, 汤底的确有轻微酸辣, 几开胃。入面有一大只带子, 一大只虾, 两粒青口仔同埋有几旧好细块既鱿鱼。粉丝加酸辣的确好夹。椰汁冰都好香椰汁味。食物味道系ok, 可惜效率方面同卫生方面太差, lunch 得一个钟左右食, 呢碗面等左近半个钟。而且呢条胶线已经唔系普通头发咁简单…… 我唔敢再食了。