叙滿庭 (已結業)

之前嚟过一次觉得叙满庭啲菜式好啱我胃口，今日专登带妈妈嚟试下，毕竟佢成日都话我净喺顾著自己去wet都唔带佢。今次一定要食到佢无声出。豉油皇虎虾，用豉油皇炒出嚟嘅虾，特别入味，但系又唔会过咸，好味到连虾壳都要吮埋。北京填鸭，半只嘅份量，两个人啱啱好，配埋青瓜、葱同面皮一齐食，香脆嘅鸭皮，加上鲜嫩多汁嘅鸭肉，一级棒吖！！！话明喺孜然牛肉，孜然味道特别香重，牛肉超多，呢份牛肉真系好抵食啦，牛肉炒得好嫩。一杯清凉饮品，蓝天碧海。其实系蓝莓汁加上菠萝汁，酸甜好味。拔丝苹果，爽口嘅苹果口感同软熟嘅拔丝外皮相融，形成外酥内爽口嘅口感。香甜好味。