影片
更多
2008-08-03
78 浏览
住0系九龙城咁耐就帮衬了呢度咁耐, 加上呢度系过节食饭长辈们的指定地点, 好一段时间系对呢度0既晚市套餐十分厌恶 呢日一行 5 人重访系阿妈的提议, 见咁耐无食过, 就点话点好啦. 叫了 5 个(食送), 整体水准系俾印象中的好得多, 散叫果然唔同 d:- 走地鸡 (半只): 鸡肉十分嫩滑, 鸡皮薄薄爽爽, 鸡味薄0左 d, 不过蘸上十分惹味的葱茸, 都几好食; 另外仲有盐水鸡杂 (鸡肝, 鸡肾及鸡肠), 以咸香爽口的鸡肠最好食; 鸡肝就淡口得很, 仲带苦涩味, 唔掂. 不过鸡肝呢样0野, 都系蜜烧或盐焗 (e.g. 港大校友会0个 d: http://www.openrice.com/restaurant/commentdetail.htm?commentid=1891745) 最0岩口味.- 带子赛螃蟹: 无落蛋黄的, 叫「带子炒蛋白」比较贴切. 蛋白几滑, 带子爽口鲜味, 淋上淅醋, 味道都唔错, 不过始终无了蛋黄, 感觉若有所失.- 海参豆腐煲: 海参得个爽口, 无味的, 十足橡筋 @_@" 豆腐 size 大, 几滑; d 汁就最正, 带点五香 / 花椒八角
- 走地鸡 (半只): 鸡肉十分嫩滑, 鸡皮薄薄爽爽, 鸡味薄0左 d, 不过蘸上十分惹味的葱茸, 都几好食; 另外仲有盐水鸡杂 (鸡肝, 鸡肾及鸡肠), 以咸香爽口的鸡肠最好食; 鸡肝就淡口得很, 仲带苦涩味, 唔掂. 不过鸡肝呢样0野, 都系蜜烧或盐焗 (e.g. 港大校友会0个 d: http://www.openrice.com/restaurant/commentdetail.htm?commentid=1891745) 最0岩口味.
- 带子赛螃蟹: 无落蛋黄的, 叫「带子炒蛋白」比较贴切. 蛋白几滑, 带子爽口鲜味, 淋上淅醋, 味道都唔错, 不过始终无了蛋黄, 感觉若有所失.
- 海参豆腐煲: 海参得个爽口, 无味的, 十足橡筋 @_@" 豆腐 size 大, 几滑; d 汁就最正, 带点五香 / 花椒八角 (?) 又带点虾籽味, 谂起细个时外婆整的劲正炆猪肉! 另外仲有冬菇, 够入味, 不错.
- 蛋白蒸顶角羔蟹: 阿妈俾呢个的宣传 poster 相片吸引了, 所以叫0黎试试 话明「顶角羔蟹」, 结果又真系好多橙色的蟹羔, 蒸得少少硬, 味道亦一般; 黄色0个 d 仲好食, 甘香又带甜, 配上索了蟹汁的蛋白, 都几好食. 羔蟹肉较散都预0左, 但味道几鲜甜的. 整体系清淡0左少少.
- 仲有糖水送: 拣了腐竹白果薏米, 腐竹煲到烂晒, 十足饮豆浆一样, 0岩口味, 不过质地都几杰挞挞; 白果粉粉软软, 不错.
招呼同以往一样咁好, 不过只因我0地台有一位熟客仔 / VIP 如果唔同佢0地一齐0黎, 唔知分别有几大?
又蟹又鸡又海参, 埋单每人约 $180, 虽然味道唔系 dum 一声咁好, 但起码比晚市套餐好食 10 倍以上吧, 都 ok 的.
P.S. 自己睇返先知, 原来早期留过两篇内容颇为空洞的饮茶食评俾呢度, 哈哈.
张贴
