C.O.W. Dining (已結業)

4月真系好忙，一来office要搬，虽然由楼上搬落楼下，但系都有好多嘢要执，因为搬细咗一半，所以执死，二来屋企想装修，要不停揾装修公司报价，真系又系做死，另外无谂过同事搬完office就last day (到时又少咗个好同事同我去食好西)，但系散水饭都有两餐食，劲哩~~今日系第一餐，同事成日都话想试吓隔离大厦间C.O.W.，咁走前唯有满足佢一次喇~~其实装修真系唔错，好有情调前菜 - 三文鱼他他，我觉得好好味，不过有好多洋葱，如果无洋葱就好喇~南瓜汤 - 好creamy，我最钟意一啲系鲜蔬果打成嘅西式餐汤蒜蓉包 - 其实我唔食蒜蓉，但系蒜蓉包我系非常爱食，只要整走啲蒜蓉就食得喇~~同埋呢个多士一啲都唔会太硬，焗得刚好自家制义大利粉配巴马火腿、牛肝菌蕃茄忌廉汁 - 呢个真系好味到一个点，个意粉因为系自家制关系，所以好弹牙，最紧要个粉煮嘅时间真系要好配合，个汁好得意，有蕃茄又布忌廉汁，但系一啲都唔会觉得怪，重好夹，而且份量都好多香煎澳洲皇帝海虾配自家制墨鱼汁面和香草蕃茄龙虾汁 - 个墨鱼面系用墨汁加面粉去做，所以食嘅时候，唔会令到客人啲牙沾咗墨鱼汁，亦都因为咁，所以个墨鱼面系非常好味，个汁