奧壽司

营业中

休息中

喺数码港嘅餐厅选择唔多，但有一间日本料理餐厅奥寿司，好多人都推介，CP值好高。蟹牛肉火锅：牛肉火锅经已好丰富，呢个仲有埋蟹，简直系豪华奢侈嘅享受。牛肉份量都几多，油脂分布均匀，而配料都好丰富，两个人食完全够哂食。海胆刺身：海胆喺嚟自加拿大，不过都可以媲美日本海胆嘅鲜甜 ，而且佢哋嘅卖相好独特，打卡影相都不俗，而加埋香脆嘅紫菜同埋一件件嘅卝寿司饭一齐食，口感更加丰富。铁板烧蒜蚬：蚬本身好新鲜，经已好鲜甜，加埋海鲜绝配嘅蒜蓉，简直系无得输。鸡泡鱼干：鱼干火候控制得宜，口感软硬适中，食落有阵阵香甜嘅味道，蘸埋佢哋嘅秘制酱，会更加滋味。三文鱼寿司：三文鱼厚切，口感会更好，味道鲜美，配埋微酸嘅寿司饭，两者味道配搭简直系绝配。免治鸡肉串：鸡肉烧完仲保持到满满嘅肉汁，佢哋嘅调味得宜，令鸡肉嘅鲜味更加突出。