孔夫子 (Club East洞天) (已結業)

今日LUNCH就同一班同事黎孔夫子试一试，一入到去环境唔错感觉几高级，好适合商务午餐。我地点左一个醋汁水晶肴肉作为前菜，仲有黑蒜蒸烧卖、黑毛猪叉烧包、松茸蘑菇包、孔府招牌肠粉等等。水晶肴肉卖相好精致，肴肉唔肥又有弹性连埋醋整成既啫哩，食落开胃又好味，推介！烧卖比较一般，同外面酒楼分别不大。黑毛猪叉烧包，猪肉味较浓，蜜汁可再加多少少。蘑菇包卖相可爱，食落其实同一般素菜包既味道同馅料差不多。招牌肠粉皮簿，包住类似春卷，里面炸到脆卜卜几香口，惹味非常。坐得几舒服，整体食物质素都唔错，价钱属中上。