影片
更多
2022-09-03
1147 浏览
𝙃𝙤𝙥 𝙎𝙯𝙚 𝙍𝙚𝙨𝙩𝙖𝙪𝙧𝙖𝙣𝙩, 𝙎𝙖𝙞 𝙒𝙖𝙣 𝙃𝙤🥢话说朋友系上年八月订位，因为疫情原因要去到今年八月中先食到，都真系够晒夸张😳佢个叉烧饭同个焗猪扒饭有最低消费🤯最少要叫六至八人份量，好彩今次黎食都算多人，两个都可以叫嚟试吓！个人比较钟意个猪扒饭，连埋只流心蛋一流。叉烧就略嫌太肥，个人比较钟意瘦叉。个人最钟意条马友，三葱龙趸球，咕噜肉。咕噜肉只肉唔同平时食开𠮶种，佢将块肉卷埋一齐嚟煮，所以佢叫做千层咕噜肉🤭😋一般钟意食虾多士，但个虾多士确实好足料，食完都唔会觉得好济。小炒王都唔错，好惹味。三葱龙趸球好有镬气，龙趸件件都好大嚿，啖啖肉🤤🤤卤水墨鱼片都唔错嘅，但同样嘅质素可能喺其他地方可以以平啲嘅价钱食到都唔出奇。总体觉得都唔错，胜在可以自带酒水，都悭返唔少㗎🤭.📍G/F, Lai Wan Building, 39 Shau Kei Wan Road, Sai Wan Ho #HappiMuffinHongKong🌟#HappiMuffin Rating: 7/10💰Price: $450-500 pp
话说朋友系上年八月订位，因为疫情原因要去到今年八月中先食到，都真系够晒夸张😳
佢个叉烧饭同个焗猪扒饭有最低消费🤯最少要叫六至八人份量，好彩今次黎食都算多人，两个都可以叫嚟试吓！个人比较钟意个猪扒饭，连埋只流心蛋一流。叉烧就略嫌太肥，个人比较钟意瘦叉。
个人最钟意条马友，三葱龙趸球，咕噜肉。咕噜肉只肉唔同平时食开𠮶种，佢将块肉卷埋一齐嚟煮，所以佢叫做千层咕噜肉🤭😋一般钟意食虾多士，但个虾多士确实好足料，食完都唔会觉得好济。小炒王都唔错，好惹味。三葱龙趸球好有镬气，龙趸件件都好大嚿，啖啖肉🤤🤤卤水墨鱼片都唔错嘅，但同样嘅质素可能喺其他地方可以以平啲嘅价钱食到都唔出奇。
总体觉得都唔错，胜在可以自带酒水，都悭返唔少㗎🤭
.
📍G/F, Lai Wan Building, 39 Shau Kei Wan Road, Sai Wan Ho #HappiMuffinHongKong
🌟#HappiMuffin Rating: 7/10
💰Price: $450-500 pp
19 浏览
2 赞好
0 留言
张贴
