POP vegan (已結業)

今次谂住食素食，见到苏豪区呢边有间素食店，睇落唔错，试试佢！一早book定台，lunch hour都系唔驶等可以直入，间餐厅几大，够宽敞，唔会话令枱都好靠近，坐得都舒适。 但坐低冇耐就会催你落单，有少少赶咁。今次set lunch叫左个Pizza，跟左个汤，个汤好特别，有啲姜味，饮落好似好creamy既蕃薯糖水咁，又几创新。然后应该系因为即叫即整，都要等一般时间around 20分钟咁上下，个pizza好足火箭菜，但啲蕃茄料就唔太痴饼底，拎起好易跌哂啲𩠌。不过可能系即叫即整既关系，个饼皮都好脆身，overall觉得个pizza都正路既，冇话好impressive，但都唔会差得去边。汤/salad+ main+ drinks 埋单around $200位，整体黎讲唔算抵食既。另外，因为个厨房系用大玻璃设计，坐出面系可以望到个厨房入面既野，希望整野食会戴返个口罩啦🥲毕竟都仲系疫情期间。