嵐橋日本料理

营业中

休息中

忙完终于可以放工收炉，今晚同朋友嚟到尖沙咀白兰轩道呢间岚桥日本料理，地方唔大但有三层高，食物嚟讲唔错，因为寿司同刺身都几新鲜，而串烧都有一定质素。.寿司盛八点 - 有赤身、油甘鱼、三文鱼、帆立贝、甘虾、拖罗蓉海胆杯，以及日本直送鱼2件整体都系新鲜食材，而寿司饭已经用酱油调好咗味道，当中以拖罗海胆杯系我最钟意食，包埋卜卜脆紫菜，非常有口感👍刺身三点 - 有中拖罗刺身、牡丹虾刺身、厚切鲭鱼，中拖罗有丰富鱼油香，口感嫰而无筋，整体都唔错。串烧 - 分别试咗烧安格斯牛小排、鹿儿岛黑豚秋葵卷、日本蕃薯仔，都系典型串烧，但质素可以。炸物 - 吉列广岛蚝，蚝都几肥美而且都几多汁! 新鲜炸好，食既时候小心唔好烫到。主食- 鹿儿岛黑豚肉锅烧乌冬 - 天冷冷暖身之选，加咗泡菜辣辣地，暖胃效果再提升，粗身乌冬挂汤效果都可以。