川莊

营业中

休息中

到咗星期五，为咗好好慰劳工作左一星期嘅自己，梗系要食返餐好啦！自己本身都好钟意食川菜，每次经过朗豪坊都好想试，趁住今日有时间可以排下队，就决定拣佢做晚餐！经过差不多1小时嘅等待，我哋一坐低就即刻点菜。谂咗好耐拣水煮鱼定系酸菜鱼，但最后都系决定想要开胃啲嘅菜式，所以就拣咗酸菜鱼。另外仲拉咗炸馒头、干煸茶树菇同埋鸡丝粉皮。点完菜之后佢就上咗茶，不过个味就怪怪地。第一道相嘅菜就系炸馒头！佢细细粒，好容易入口。炸得唔错，有外脆内软嘅口感。之后就上咗鸡丝粉皮，粉皮好滑！麻酱都好香花生味！干煽茶树菇食落好香！而且都好入味，份量又好足！唯一不足之处就系佢唔够热。可能系人手不足，摆内咗先上菜。最后就系重头戏: 酸菜鱼。一嚟嘅时候见佢大大碗，所以好期待！点知食落就好失望。酸菜鱼都系佢哋嘅主打，但佢食范竟然唔够酸味。重点系啲鱼食落好腥，唔入味。唯一加分嘅系入面嘅薯粉好稔，够味。。至于餐厅环境都唔错，唔会迫，坐得舒适。但星期五，六真系要排好耐。建议可以平日去试咗先。