杦 (已結業)

今日平日下昼两个人去食晏，唔驶等即刻有位。好快就拣咗刺身同埋Deluxe寿司定食。环境就一般，冇乜特别，但系都算欢堂舒适，服务都几好，侍应都几attentive，问佢橙汁系咪鲜榨，佢都老实话唔系，豉油倒咗出嚟见到有一粒黑色野，以为系黑芝麻，再睇清楚啲系有脚，同侍应反映，佢都即刻换过只豉油碟同埋成壶豉油，等咗一阵，有个侍应攞左碟刺身准备放上枱之际，就返咗转头，不过都啱嘅，前菜都未到，之后等咗一阵，先来沙律和蒸蛋碗，两个都合格，蒸蛋碗就好滑，除咗热茶，仲送咗杯几香浓嘅冻乌龙茶，橙汁就唔讲啦，之后就上主菜，刺身同寿司都一齐嚟，卖相唔错，份量同价钱都成正比，侍应亦都好有心机介绍唔同嘅款式，食嘅先后次序，寿司饭嘅比例适中，刺身嘅质素好高，好鲜味，刀法都几好，寿司定食跟乌冬，都几足料大碗，刺身定食跟碗饭面豉汤，虽然简单，都觉得有咁上下质素，整体来讲质素有惊喜，有机会夜晚嚟食Omakase先！