升哥點心 (已結業)

咁耐以来第一次帮衬，啱啱先发现三周年优惠，平日星期一至五堂食外卖都有八折，不过去到10月尾就完，如果可以延长少少或者净系外卖都有就好啦！😛今次星期日冇呢个优惠，整体食物质素都满意，牛肉肠同虾饺都几好食，烧卖正常，蟹钳我觉得好食，但老公话觉得啲肉有少少梅，最好食系个蒸饭（好足料，推介），虾多士都好食嘅，不过如果人少（例如两个人）就太大份，如果可以半份就完美啦！如果唔系下次未必会食，因为两个人食好腻，灌汤饺冇乜为意原来系好似蒸咁嘅，入边汤汁唔够我哋唔系太钟意，有汤浸住𠮶好食啲。整体系满意嘅，会再帮衬，但系食物质素同附近𠮶间有少少贵嘅X名园差唔多，𠮶间价钱大约贵三份一至四分一左右，但一定好坐啲同埋食物质素好少少，如果价钱争唔远，𠮶边唔使等位都会去𠮶边食多。😅