拉麵天王

营业中

休息中

星期六LUNCH本身想食隔离间鸡白汤拉面，点知装修中….想食Pancake Burger，点知又劲多人😑。嚟到拉面天王，门外等位人数唔多，只有4位，加上等候嘅位置又无太阳晒住，所以决定食佢。最后等左半个钟就入得。餐厅座位大概20个，但只有两位职员，一位负责厨房，另一位就楼面，明显唔够人手😶。白天王 $75每碗面都有两块叉烧、半只溏心蛋、少量木耳丝、椰菜、紫菜、葱花。先试啖汤，有猪味；由于师傅会先将碗热左，之后先放面放汤，所以个汤够热👍；质地几杰身，有少少黏口，配埋幼面，挂汁力强。第一啖咸度还好，但之后就越食越觉得咸😐。溏心蛋有蛋香，不过得半只唔够喉。叉烧大块但薄切，而且好肥，肥膏位系弹性口感，而非入口即溶，个人比较中意后者，所以麻麻地呢度个叉烧😅。黑天王 $85由于见到好多食评都推介，所以朋友放弃赤天王。蒜味真系几浓，估计蒜香主要来自汤面嘅黑蒜油；我煸走D油，饮落个汤味同白天王差唔多。自己并非黑蒜爱好者，所以个人比较中意白天王多D。汤底较浓，比较适合重口味人士。