鼎泰豐

营业中

休息中

忽然间好挂住小笼包, 所以就去咗 ❥⧽鼎泰丰 ❥⧽ 食饭喇, 对上一次食嘅时候觉得呢间分店嘅嘢食整得麻麻地, 希望今次会有改善。𓊈小笼包𓊉小笼包皮薄唔易穿, 多汤汁, 不过肉质偏鞋, 但已经比第一次去时好食。𓊈排骨蛋炒饭𓊉卖相真心令人流口水, 排骨炸得好酥脆, 肉质软腍有肉汁。蛋炒饭好香, 粒粒分明, 食完好想再叫多一客。𓊈台式担担捞面𓊉花生味香浓, 芝麻酱, 汤汁同花椒辣油比例刚好。捞面软硬适中, 每条面都可以挂汁, 虽然份量比较细, 不过好味。𓊈虾肉红油抄手𓊉皮薄多肉, 虾肉爽口弹牙, 猪肉肉质鲜嫩, 少少辣, 恰到好处。𓊈荔芋小笼包𓊉必叫甜点, 好香芋头味, 芋蓉香滑, 甜度适中, 用嚟做一餐嘅总结系好完美。✧✧ 整体食物有改善, 而且鼎泰丰嘅服务真系好好, 值得再去。