申子居酒屋

营业中

休息中

喺香港食居酒屋真系好贵，但因为特别日子想庆祝吓，所以嚟咗呢度食。我哋一共嗌咗七样嘢，每样嘢都唔错几好食，虽然价钱少少贵，但都值得一试！三式迷你Don佢系三个好细嘅碟仔，分别装住海胆、三文鱼子、蟹肉饭，比较印象深刻嘅系三文鱼子，佢每一粒食落都有爆珠嘅感觉，一咬就会爆出鱼油，鱼油味唔腥仲有d咸香，唔错唔错，另外海胆都几鲜甜好食。大葱鸡肉烧佢上面嘅鸡肉烧得非常香脆，钟意食鸡肉嘅人真心可以一试。鹿儿岛A4和牛茶渍饭一直以为茶渍即系用茶泡饭，但原来系热鸡汤浸落生嘅和牛同饭， 但食落又冇话好有鸡汤味，只能话ok。申子玉子烧一送到上嚟，木板上系放左一块和牛，上面摆咗一旧饭团同蛋黄，店员会即场烧，烧完之后，捞埋饭同流心蛋黄系几好食，而且烧嘅过程可以打卡😂。吉列三重芝士千层豚肉每旧猪扒入面都会夹住芝士， 食落猪扒有肉汁，调味啱啱好唔会淡，但系送到过黎嘅时候已经冇流心嘅感觉，所以有少少失望，但吉列猪扒有肉汁都已经好难得。烧牛脷个口感几似牛柳粒，可以加柠檬汁或者用盐去点，哩样我就觉得比较平凡。抹茶心太软食落甜甜地但冇乜好香嘅抹茶味，整体尚算OK，算系我地嘅庆祝画上完美嘅句号❤️。