糖宮甜品專門店 (積信街)

营业中

休息中

夜晚即兴由科学园踩单车去大围，梗系食返碗甜品先走。因为呢间评分高就拣咗呢间。整体而言，餐厅环境唔错，食物卖相好，味道就视乎菜式同个人口味，仲可以见到猫仔。椰皇炖蛋白（热）加配芋圆热门菜色当然要试下，但椰皇炖蛋冇想像中咁好食，差啲食唔晒，不过都可能系我哋个人偏好问题。客观嚟讲，除咗炖蛋之外，仲可以刮埋椰皇侧边啲果肉嚟食，系几正嘅。芋圆好味，推荐！（老实讲我个人钟意芋圆多过椰皇炖蛋）朱古力心太软加两球雪糕（朱古力同芒果味）呢个就真系超级推荐！！心太软好正，一切开，里面即溶，而且朱古力味浓郁，又够甜！配埋雪糕一流🤤雪糕就中等偏上，但整体而言心太软令人十分满意，绝对想再食~总结：椰皇炖蛋冇下次，但会想嚟再试下其他甜品，再食多次心太软。