金記冰室 (數碼港商場)

营业中

休息中

炎炎夏日，最好离开市区，今日就去咗数码港玩，临走之前就去咗金记食晚餐。金记间间餐厅质素都保持到水准，而且价钱又唔贵，所以喺冇乜嘢食嘅数码港绝对系 一个好选择。我同朋友一人叫咗一个晚餐，分别系煎封黄花鱼同四川重庆口水鸡。餐厅用QR code落单，感觉方便而且一目了然。晚餐每人都有一个老火汤，嘢食未嚟之前可以开一开胃食住先。黄花鱼煎得非常之香脆，甚至鱼尾都可以食得，同时鱼肉就仍然鲜嫩软熟，亦都唔会太干。口水鸡有冇想像中咁辣，啱啱好刺激到味蕾又醒胃，适合钟意食辣但系又唔敢食太辣嘅朋友。我哋另外叫咗碟菜心，非常鲜嫩翠绿。饮品方面我哋叫咗佢哋出名嘅冰镇奶茶，茶味好浓，非常醒神。朋友就叫咗杯柠檬茶。